మెగాపవర్ స్టార్ రామ్ చరణ్ కు ఎప్పట్నుంచో ఓ కల. ఆ కలను నెరవేర్చుకోవడానికి చెర్రీ చేయని ప్రయత్నం అంటూ లేదు. కానీ ప్రతిసారి ఆ కల సాకారం కావడం లేదు. ఇప్పుడు మరోసారి అదే కల కంటున్నాడు చెర్రీ. మరి ఈ సారైనా అది సాకారం అవుతుందా..
క్రేజీ దర్శకుడు త్రివిక్రమ్ తో ఓ సినిమా చేయాలనేది చరణ్ ఆశ. ఇప్పటికే ఆ దిశగా ఎన్నో ప్రయత్నాలు చేశాడు. కానీ సాధ్యం కాలేదు. నిజానికి అత్తారింటికి దారేది సినిమా కంటే ముందే త్రివిక్రమ్ తో సినిమా చేయాలనుకున్నాడు. కానీ అది కుదరలేదు. తర్వాత అత్తారింటికి దారేది సినిమా విడుదలైన తర్వాత ఇంకోసారి ప్రయత్నించాడు. కానీ అది కూడా సాధ్యం కాలేదు. అత్తారింటికి దారేది సినిమాకి ముందు.. ఆ సినిమా తర్వాత కూడా అల్లు అర్జున్ కే ఫిక్స్ అయ్యాడు త్రివిక్రమ్. అందుకే ఈసారి చరణ్ కొంచెం గట్టిగా ప్రయత్నిస్తున్నాడు.
చరణ్ తరఫున ఆ బాధ్యతను బండ్ల గణేశ్ తీసుకున్నాడు. రామ్ చరణ్ తో గోవిందుడు అందరివాడేలే సినిమాని నిర్మించిన బండ్ల గణేష్ చెర్రీతో మరో సినిమా చేద్దామనుకున్నాడు. సరిగ్గా ఇక్కడే చరణ్ ట్విస్ట్ పెట్టాడు. త్రివిక్రమ్ తో మూవీ సెట్ చేస్తే కాల్షీట్లు ఇస్తానంటూ బండ్ల గణేశ్ ను ఊహించాడు. అందుకే ఇప్పుడు బండ్ల గణేశ్ త్రివిక్రమ్ కోసం చెప్పులు అరిగేలా తిరుగుతున్నాడు. చూద్దాం. ఈసారైనా రామ్ చరణ్ కల నెరవేరుతుందేమో.
