సూర్య హీరోగా వెంకట్ ప్రభు దర్శకత్వం వహిస్తున్న చిత్రం ‘మాస్’. ఈ చిత్రంలో ఓ కథానాయికగా నయనతారను తీసుకున్నారు. మరో నాయికగా తేనెకళ్ల సుందరి ఎమీ జాక్సన్ ని ఎంపిక చేశారు. ఇటీవల ఎమీ లుక్ టెస్ట్ లో కూడా పాల్గొందని సమాచారం. ఆ టెస్ట్ కూడా బాగుందట. కానీ, ఈ చిత్రంలో నటించాలనే ఆలోచనను ఎమీ విరమించుకుందని సమాచారం. ‘ఈ సినిమాలో నటించడం నా వల్ల కాదు’ అని దర్శక, నిర్మాతలకు చెప్పింది. దానికి కారణం నయనతార పాత్ర డామినేటింగ్ గా ఉండటమే అని కోలీవుడ్ టాక్. ఎమీ జాక్సన్ ఈ చిత్రం నుంచి తప్పుకుంటున్నానని చెప్పగానే తాప్సీ, అమలాపాల్, ప్రియా ఆనంద్ వంటి తారలను అడిగారట దర్శక, నిర్మాతలు. కానీ, ఈ ముద్దుగుమ్మలు కూడా ‘నో’ చెప్పారని భోగట్టా. సినిమా మొత్తం నయనతార పాత్ర డామినేట్ చేస్తే.. తమ పాత్రలు తేలిపోతాయని, అందుకని ఈ చిత్రంలో నటించడానికి వాళ్లు వెనుకాడుతున్నారని సమాచారం.పోనీ.. నయనతార పాత్రకు సమానంగా రెండో నాయిక పాత్రను కూడా డిజైన్ చేద్దామంటే నయన్ అభ్యంతరపెడుతోందని వినికిడి.
