విక్టరీ వెంకటేష్, పవర్ స్టార్ పవన్ కళ్యాణ్ కాంబినేషన్ లో రూపొందుతోన్న హిందీ రీమేక్ ‘గోపాల గోపాల’ చిత్రం షూటింగ్ చివరి దశలో ఉంది. సంక్రాంతికి ఈ చిత్రాన్ని విడుదల చేయాలనుకుంటున్నారు. కాగా తాజా వార్తల ప్రకారం ఈ చిత్రం బిజినెస్ ఫుల్ క్రేజ్ గా జరుగుతోందట. నైజాం ఏరియాలో పవన్ కళ్యాణ్ సినిమాలు భారీగా వసూళ్లు కురిపించి కొత్త రికార్డులను క్రియేట్ చేసాయి.
నైజాంలో పవన్ కళ్యాణ్ ‘గబ్బర్ సింగ్’ 17కోట్లు వసూళ్లు చేస్తే, ఆ తర్వాతి చిత్రం ‘అత్తారింటికి దారేది’ 24కోట్లు షేర్ సాధించి కొత్త రికార్డును క్రియేట్ చేసింది. దీన్నిబట్టి ఆ ఏరియాలో పవన్ కళ్యాణ్ కున్న క్రేజ్ ని అంచనా వెయ్యొచ్చు.
తాజా వార్తల ప్రకారం ‘గోపాల గోపాల’ నైజాం హక్కులను 14కోట్లకు ప్రశాంత్ ఫిల్మ్ దక్కించుకుందని తెలుస్తోంది. ఈ చిత్రం ప్రీ రిలీజ్ బిజినెస్ 55కోట్లు అని, ఈ చిత్ర నిర్మాతలు సురేష్ బాబు, శరత్ కుమార్ ఇప్పటికే 20కోట్లు టేబుల్ ప్రాఫిట్ ని చూసేసారని ఫిల్మ్ నగర్ టాక్.
పవన్ కళ్యాణ్ గత చిత్రం ‘అత్తారింటికి దారేది’ కంటే ‘గోపాల గోపాల’ బడ్జెట్ తక్కువట. ఇక సినిమా విడుదల తర్వాత ఈ నిర్మాతలు ఏ మేరకు లాభాలు చవిచూస్తారో అంచనా వెయ్యొచ్చు.
